السوق العقاري فيه 3 لاعبين أساسيين: المطوّر اللي بيبني ويبيع ويحصّل، البروكر اللي بيسوّق ويقفل الصفقات، والمقاول اللي بينفّذ أنظمة المبنى. عملنا لكل واحد فيهم نظام مبني على طريقة شغله بالظبط — تقدر تجرّبه لايف دلوقتي قبل ما تكلمنا.
كل نظام ليه صفحة كاملة بالشاشات والمميزات، وديمو لايف ببيانات حقيقية الشكل تقدر تشتغل عليه.
نظام كامل لشركة التطوير العقاري: من الليد للحجز للتعاقد، خطط السداد وتحصيل الأقساط، البروكرز، الإنشاءات، والتسليم.
لشركات التسويق العقاري اللي بتبيع لأكتر من مطوّر: الوحدات المعروضة، الترشيح، الصفقات، والعمولات لحد ما تتحصّل.
للمقاولين اللي بينفّذوا أنظمة الكهرباء والحريق والتكييف للمطوّرين والمستشفيات والمصانع: من المعاينة للمستخلص للإفراج عن الضمان.
البيع العقاري مش زي أي بيع: الصفقة كبيرة، والقرار طويل، والفلوس بتتحصّل على سنين، وفيه أكتر من طرف في كل بيعة.
العميل بيسأل على واتساب، يزور المعرض، يقارن بمشروعين تانيين، ويرجع بعد أسبوعين. لو مفيش نظام بيفكّر المستشار بالمتابعة ويوريه مين سخن ومين برد، الليد اللي اتدفع فيه إعلان بيضيع. الأنظمة بتاعتنا بتسجّل كل تواصل، وبتنبّه لأي ليد عدّى 5 أيام من غير متابعة.
المطوّر مش بيبيع وخلاص — هو بيحصّل أقساط ربع سنوية لسنين. المتأخر اللي محدش بيطالب بيه هو أكبر نزيف في الكاش. علشان كده نظام المطوّر بيعمل جدول الأقساط لوحده من خطة السداد، ويفكّر العميل على واتساب قبل الاستحقاق، ويطلعلك المتأخرات بأعمارها.
نسبة كبيرة من مبيعات أي مشروع بتيجي عن طريق شركات التسويق العقاري. المطوّر محتاج يعرف مين جاب العميل وعمولته كام، والبروكر محتاج يعرف الوحدات المتاحة عند كل مطوّر ويتابع عمولته لحد ما تتحصّل. علشان كده عملنا نظام للمطوّر ونظام للبروكر بيتكلموا نفس اللغة.
المبنى مش بيتسلّم من غير أنظمة كهرباء وحريق وتكييف شغالة ومعتمدة. شركة المقاولات الكهروميكانيكية محتاجة تتابع المستخلصات والتحصيل والمحتجزات وعقود الصيانة بعد التسليم — وده بالظبط اللي نظام المقاولات بيعمله.
كل شركة بتشتغل على نظامها لوحدها — ولو انت شغال مع الطرفين التانيين، الصورة بتكمل.
| الميزة | المطوّر العقاري | البروكرز | المقاولات MEP |
|---|---|---|---|
| صندوق وارد موحّد (واتساب، فيسبوك، الموقع) | ✓ | ✓ | ✓ |
| لوحة مراحل البيع (Pipeline) | ✓ | ✓ | ✓ |
| مخزون الوحدات بخريطة الأدوار | ✓ | من كل المطورين | — |
| الحجز والتعاقد | ✓ | حجز / دفعة جدية | — |
| خطط السداد وجدول الأقساط | ✓ | — | — |
| تحصيل وتذكير الأقساط | ✓ | — | — |
| البروكرز وعمولاتهم | ✓ | عمولات من المطورين | — |
| تارجت الفريق | ✓ | ✓ | ✓ |
| المشروعات ونسب الإنجاز | ✓ | — | ✓ |
| المستخلصات والمحتجزات | — | — | ✓ |
| التسليم وبلاغات ما بعد البيع | ✓ | — | ✓ |
| عقود الصيانة ورادار الاستحقاقات | — | — | ✓ |
| الصلاحيات والتقارير والمستندات | ✓ | ✓ | ✓ |
وممكن المدة تزيد حسب حجم الشركة وجاهزية البيانات.
نقعد مع المبيعات والتحصيل والإنشاءات ونثبّت المراحل وخطط السداد والصلاحيات.
تخصيص الشاشات والتقارير، وربط واتساب وإعلانات فيسبوك وفورم موقعك.
بتملا شيتات Excel جاهزة (الوحدات، العملاء، الأقساط) ونرفعها للنظام.
تدريب أونلاين للفريق، ثم 90 يوم دعم فني مجاني بعد التسليم.
نظام المطوّر العقاري بيدير المشروعات والوحدات والحجز والأقساط والإنشاءات والتسليم. نظام البروكرز بيدير الليدز والوحدات المعروضة من كذا مطوّر والصفقات والعمولات. ونظام المقاولات بيدير فرص المقاولات والمشروعات والمستخلصات والتحصيل وعقود الصيانة.
نظام المطوّر العقاري، وفيه شاشة كاملة للبروكرز وعمولاتهم. ولو عايز البروكرز نفسهم يشتغلوا على نظام، نظام البروكرز متاح ليهم.
أيوه، كل نظام ليه ديمو لايف ببيانات افتراضية، وتقدر تدخل بأي دور. ولو حابب، فريقنا يعرضه عليك أونلاين على طريقة شغلك.
أيوه، الأنظمة بالعربي وبتدعم أكتر من عملة، ومناسبة للشركات في مصر والخليج.
حوالي 30 يوم عمل حسب حجم الشركة وجاهزية البيانات، وبعد التسليم 90 يوم دعم فني مجاني وتدريب أونلاين مجاني.
أيوه، كل نظام بيتخصص على مراحل البيع والصلاحيات والتقارير بتاعتك، والإضافات اللي برا الاتفاق بتتسعّر بعرض منفصل.
اختار نظامك، اشتغل عليه 5 دقايق، وبعدين كلّمنا نعملك نسختك.