سياسة الاسترجاع والاستبدال
آخر تحديث: أكتوبر ٢٠٢٦
السياسة دي بتنطبق على كل منتجات متجر نبراس: المواقع الإلكترونية، والمتاجر الإلكترونية، وتطبيقات الموبايل، وبرامج الكاشير، والإضافات. كلها منتجات رقمية بتتسلّم إلكترونيًا، ومفيش شحن لأي منتج مادي.
الإلغاء والاسترداد الكامل (١٠٠٪)
- تقدر تلغي طلبك وتسترد المبلغ كامل خلال ١٤ يوم من تاريخ الدفع، بشرط إن التنفيذ يكون لسه ما بدأش.
- التنفيذ بيبدأ لما تبعتلنا المحتوى المطلوب (الشعار والنصوص والصور) ونبلغك ببدء الشغل برسالة على واتساب أو الإيميل.
الإلغاء بعد بدء التنفيذ
- لو طلبت الإلغاء بعد بدء التنفيذ وقبل ما نبعتلك لينك المعاينة، بتسترد ٥٠٪ من قيمة المنتج.
- بعد ما نبعتلك لينك المعاينة أو نسلّم المنتج أو نفعّل الترخيص، المبلغ مش بيترد، والتزامنا إننا نصلّح أي عيب برمجي مجانًا خلال ٩٠ يوم الدعم.
- تراخيص برامج الكاشير مش بترد بعد التفعيل، سواء اتستخدم البرنامج أو لا.
الاستبدال
- تقدر تستبدل المنتج بأي منتج تاني من المتجر قبل بدء التنفيذ: لو المنتج الجديد سعره أعلى بتدفع الفرق، ولو أقل بنرجعلك الفرق.
- بعد بدء التنفيذ، الاستبدال بيتم بعرض سعر من خدمة العملاء حسب الجزء اللي اتنفذ.
حالات الاسترداد الكامل في أي وقت
- لو اتخصم منك المبلغ مرتين بالغلط.
- لو عدّى ٢١ يوم عمل من الدفع واستلامنا المحتوى الكامل ومابدأناش التنفيذ لسبب من عندنا.
حاجات مش داخلة في الاسترداد
- الاستضافة والدومين ورسوم حسابات المطوّر وبوابات الدفع اللي العميل بيشتريها باسمه من جهات تانية.
- التعديلات الإضافية والتطوير اللي اتعمل بعرض سعر منفصل بعد ما اتنفذ.
إزاي تطلب الإلغاء أو الاستبدال
- ابعتلنا على واتساب أو الإيميل برقم الطلب (زي NB-1001) وسبب الطلب.
- بنرد عليك خلال يوم عمل، والمبلغ المسترد بيرجع بنفس وسيلة الدفع خلال ١٤ يوم عمل (بحد أقصى ٢٠ يوم) من الموافقة.
بيانات الشركةنبراس ميديا — Nibras Media
- العنوانداون تاون، مدينة ٦ أكتوبر، الجيزة، مصرDowntown, 6th of October City, Giza, Egypt
- واتساب+20 100 032 2169
- التليفون+20 100 032 2169
- الإيميلnibras.mediia@gmail.com